sebastiana
|  موضوع: أسئلة ....؟؟  31/10/2007, 19:53 | |
| اسئــله أعجبتـني نقلتها لكـم من منتدى واتمنى منكـــم الاجابه بكــل صــراحــه,,,,
سؤالى للــــــــبنات ؟
هل تفضلين الزوج صاحب المال والثراء ام الزوج صاحب الحب والحنان حتي ولو كان فقيرا ؟؟؟
::::سؤال الشبـــــاب::::
من تتمني الزواج منها --- صاحبة القلب الحنون والحب الجارف ام صاحبة الوجه الجميل الفاتن ؟؟؟
سؤالى للجميع ؟؟؟؟؟؟؟؟؟؟؟؟
هل تفضلون الزواج بالطريقه التقليديه أم عن قصه حب ؟؟؟؟؟ | |
|
SYRIAN GIRL
| | موضوع: رد: أسئلة ....؟؟ 31/10/2007, 22:14 | |
| انا بقول الزوج الفقير ويكون في كل شي منيح وحبوب وقلبو كبير وابن عالم وناس يحبني ويحترمني لذاتي هاد احسن شي اما اللي عندو فلوس , الفلوس بتجي وبتروح بس الحب والطيبة والقلب الطيب هاد ما بيجي وبروح بتم بالانسان ,,, لانو صعب يتغير الانسان من جوا يمكن الي يكون عندو فلوس يحاول يقدملي كل شي بتمناا بس الاشيا المادية ,, اما المعنوية مستحيل يفكر انو يقدملي هيك اشيا ,, لانو تفكيرو محدود بشي واحد بس وهو المال !!! اما السؤال التاني ,,, انا مقتنعة انو عن حب اتزوج شكرا صبا على اسألتك
| |
|
بشار
| | موضوع: رد: أسئلة ....؟؟ 1/11/2007, 09:35 | |
| أول شي شكرا الك عالموضوع المهم: تاني شي انا ما عندي مشكلة كيف ما كانت تكون المهم تكون متعلمة و بتخاف ربها و بنت عيلة و اجتماعية الأمور التانية أكيد ما لها لزوم و بالنسبة للجمال عادي شو انا بدي اعملا معرض مثلاً و انا بفضل الزواج عن حب بس ضمن حدود الأدب و الأخلاق و شكراً الك مرة تانية عالموضوع صبا | |
|
sebastiana
| | موضوع: رد: أسئلة ....؟؟ 1/11/2007, 15:34 | |
| شكرا بشار و syrian girl على المرور نورتو الموضوع و بالنسبة لرايي ..... انا طبعا ما بهمني قدش معو فلوس .... حتى لو كان فقير .. شو بفيد اذا ما حرمني من شي مادي و جبلي كل شي بدياه و حرمني من اهم شي هو الحب و الحنان و التفاهم انا ما بدي اتزوج آلة تعطيني فلوس ايميت ما بدى ... انا بدي اتزورج انسان يبادلني المشاعر و كمل معو طريقي بالحياه .. و قاسمو همومي و افراحي و يكون اول شخص يفرحلي لما حقق نجاح بحياتي و بالنسبة لزواج عن حب ... انا بفضلو طبعا متل ما قال بشار لما يكون بحدود الأدب و الاخلاق | |
|
ناردين
| | موضوع: رد: أسئلة ....؟؟ 1/11/2007, 15:42 | |
| - sebastiana كتب:
اسئــله أعجبتـني نقلتها لكـم من منتدى واتمنى منكـــم الاجابه بكــل صــراحــه,,,,
سؤالى للــــــــبنات ؟
هل تفضلين الزوج صاحب المال والثراء ام الزوج صاحب الحب والحنان حتي ولو كان فقيرا ؟؟؟
طبعا الحب والحنان أهم
بس المال كمان شي مهم
بيفوت الفقر من الباب بيروح الحب من الشباك ولوووووو
سؤالى للجميع ؟؟؟؟؟؟؟؟؟؟؟؟
هل تفضلون الزواج بالطريقه التقليديه أم عن قصه حب ؟؟؟؟؟
أنا برأي انو مافي مشكلة اذا عرفو بعض قبل الخطبة بس الاهل لازم يعرفوا بكل شي
حتى ما يصير أي خطأ يندمو عليه أو يغضب الله عز وجل
وشكرا
| |
|
syrian moon
| | موضوع: رد: أسئلة ....؟؟ 1/11/2007, 17:17 | |
| أكيد الحب أهم والحنية أهم من كلشي بالدنيا وبعدين كلشي ممكن يجي والغنا والفقر بأيد الله والمال مابدوم بس الحب والاحترام هنن أساس السعادة بالحياة الزوجية وغير هيك كلشي بضيع وانا أكيد مع الزواج عن حب بس بنفس الوقت برأي انو حتى الزواج التقليدي ممكن نحن نعدل عليه شوي ونعملو عن حب وتفاهم يعني انا مع فكرة انو البنت تنخطب لواحد مابتعرفو كتير بس طبعا" تكون مدة الخطبة طويلة يعني هيك ممنقدر نتفاهم بس طبعا" لازم تكون الموافقة والراحة النفسية مو جودة من البداية وهاد رأي انااااااااااا ويسلمو كتيييييييير صبا ع الأسئلة الحلوة | |
|
بمبووونة
| | موضوع: رد: أسئلة ....؟؟ 3/11/2007, 16:51 | |
| أنا مع الحب أولا وأخيرا بس متل مقال بشار ضمن الأدب والأخلاق... وبالنسة إلي أنا بآمن إنو الحب كفيل بإنو يخليني أتغاضى عن كتييير أشياء سلبية بالشخص مقابل الاحترام المتبادل والمعاملة المنيحة والطيبة والحنان أما الحالة المادية ما بتعنيلي كتييير لأنو كل شي بإيد الله والغني بلحظة ممكن يصير فقير والفقير مش مستبعد إني يصير غني .. بس بالنهاية أنا بآمن إنو الفقير مع حب وحنان ودفا أصدق وأأمن من الغني ومشاعرو تلاجة... وبالنسبة إلي أنا ما برضى إنو شخص يحبني عشان جماااالي لأنو شي مش دايم  .. ورح ييجي يوم من الأيام ويروح هاد الجمال فما رح يضللي بقلبو شي..وإنو يتغير مع الأيام فهاد الشي مش مضمون..  صبا على الأسئلة ويعطيكي العافية..
| |
|
