شلة الجامعة تفضل تقول كلام عن صداقتهم ملوش حل، ويمجدوا قوي في حكاياتهم والرحلات إللي طلعوها والمواقف الطريفة إللي اتعرضولها، ومآسي الامتحانات والمواقف المحرجة مع المراقبين، ودايما بيوعدوا بعض إن صداقتهم هتستمر أو على الأقل مبيتخيلوش إن في يوم من الأيام كل حاجة بينهم تنتهي.
واحنا هنا بنحذر إللي ممكن يصدموا في أصدقائهم فيما بعد، وبنقول إن شلة الجامعة عمرها ما هتستمر كمجموعة أصحاب إذا كانت واحدة من المجموعات دي:
شلة الرابط الوحيد بينها هي المصلحة في المذكرات والمحاضرات وحضور السكاشن وكتابة أسماء الغائبين.
شلة الرابط بينها البنات الحلوين، وأول لما بيمشوا البنات دول، بتلاقي الولاد مبيقفوش مع بعض أساسا، والشلة إللي من النوع ده عمرها ما تستمر بعد التخرج.
شلة مصاحبة بعض كي يمر الوقت في الكلية والسلام، أي أصدقاء سد خانة مش أكتر، أهو أحسن من كيس لب.
شلة كل أطرافها بينهم مشاكل مع بعض، إللي مش طايقة ولد، وإللي حاسس إن في بنت بتحبه، وإللي حاسة إن في ولد أخلاقه مش كويسة، وما إلي ذلك من خلافات شباب الكليات.
الموضوع منقول على فكره س الكلام عجبنى حبيت اعرضه عليكم واعرف رأيكم ايه
