عزيزتي أم دمعة..
أنا عندي فكرة حلوة بس بدا شوية شغل وفضاوة..
إذا عندك مزهرية قديمة أو إناء متوسط الحجم
خرج ينحط بالصالون
جيبي ألون زجاجية علون صالونك
ولوني المرايا فيهن
واتركيهن حتى ينشفو
بعدين جيبي عجينة جبس قابلة للتشكيل (بتلاقيها بالمكتبات)
بتحطي العجينة عالمزهرية أو الإناء اللي اخترتيه
وبتكبسي المرايا عليه
حتي يتغطا الإناء كلو..
وبما أن المرايا مربعة، رح يضل في فراغات ضغيرة بين كل مراي والتانية
إحشيها بالجبس كمان
ولما تخلصي إمسحي الاناء بشقفة قماش عشان ترجع المرايا تلمع وتروح زوائد الجبس
واتركيها لتنشف
بعدين حطيها بالصالون حد أباجورة أو مصدر ضوء...
بس انتبهي لأصابعك وانت عم تشتغلي إذا كانت أطراف المرايا حادة
ويفضل تلبسي كفوف سماك شوي عشان يحمولك إيديكي..
(مع العلم إنو فيكي تبردي الأطراف عند واحد من المحلات اللي بتتعامل مع الزجاج)
انشاءالله تكون فكرتي عجبتك
وشكرا ع إستشارتك
سلاااااااام
اشكركم من كل قلبي على تواصلكم معي